ACTUALIDADE/

O Campus de Ferrol entrega os premios do I Concurso Humanísimos de Microrrelatos, Fotografía de Bibliotecas e Monólogos

O Salón de Graos da Facultade de Humanidades e Documentación acollerá este sábado, 14 de xullo, ás 12.00 horas, o acto de entrega dos premios do I Concurso Humanísmos que promoven a Vicerreitoría do Campus de Ferrol e Responsabilidade Social e mais o Campus Industrial da Universidade da Coruña. Estudantes de ESO e Bacharelato de toda Galicia remitiron os seus microrrelatos, fotografías de bibliotecas e monólogos para optar a un premio en cada unha destas categorías. O reitor, Julio Abalde, fará entrega dos premios aos galardoados.

O Campus de Ferrol presenta o proxecto de agrupación estratéxica de investigación i3

O Campus Industrial de Ferrol organizou este martes a xornada de innovación ‘Aposta pola Industria Intelixente de Ferrolterra’ con asistencia tanto da contorna universitaria como empresarial e industrial da comarca, un marco do que se presentou o proxecto da Universidade da Coruña de creación da agrupación estratéxica de investigación i3. O reitor da UDC, Julio Abalde, explicou no acto inaugural da xornada que cando se plantexou a especialización do Campus de Ferrol como Campus Industrial xa se prevía como un dos pasos a desenvolver na estratexia de Campus logo de reformular a oferta académica.

Arqueoloxía no berce da civilización: Exipto e Oriente II

Os estudos e a investigación no campo da Exiptoloxía e do Oriente antigo contan cunha escasa tradición en España. Este curso ten como principal obxectivo cubrir unha lagoa formativa do noso sistema universitario no ámbito da Historia Antiga Universal, dando a coñecer as contribucións dos pioneiros e as achegas da investigación histórica e arqueolóxica española sobre as grandes civilizacións do norte de África (Exipto e Tunes) e Oriente Próximo (Iraq, Xordania, Siria e Palestina).

O Campus organiza unha xornada de portas abertas coa enxeñaría

A Escola Politécnica Superior e a Escola Universitaria Politécnica organizan, en colaboración co Campus Industrial da Universidade da Coruña, unha xornada de portas abertas coa enxeñaría como protagonista. A cita será este mércores, 20 de xuño, ás 09:30 horas, no Salón de Actos Concepción Arenal do Campus de Esteiro. Entre as actividades programadas para este día destacan as visitas aos laboratorios das dúas escolas e ao Museo da Construción Naval. As persoas interesadas en participar na xornada de portas abertas ‘Día da enxeñaría’ deben enviar un correo electrónico cos seus datos persoais a oficina.campusindustrial@udc.es ou chamar ao 881 013 621. Todas as actividades programadas no marco da xornada son gratuítas.

Presentación en Ferrol do curso de verán de Carlos Gurméndez

Este luns 18 de xuño, ás 12:00 horas presentarase na Sala de Xuntas da Vicerreitoría do Campus de Ferrol a 21 edición do Curso de Pensamento e Comunicación Carlos Gurméndez que organiza o Club de Prensa de Ferrol coa colaboración da Universidade da Coruña. Na rolda de prensa estará a vicerreitora Araceli Torres, a presidenta do Club de Prensa de Ferrol, Julia Díaz, o director do curso e profesor de Filosofía na UDC, Alberto Sucasas, e a coordinadora do mesmo, Esperanza Piñeiro. Nesta edición, o curso de pensamento e comunicación está dedicado ao estudo da Constitución Española. Terá lugar os días 4, 5 e 6 de xullo no salón de actos Concepción Arenal do campus ferrolán.

Ampliación do prazo para acreditar o Nivel B1 de Inglés – Grao en Xestión Industrial da Moda

Ampliación do prazo para presentar o requisito de idioma específico para a admisión no Grao en Xestión Industrial da Moda no Curso 2018/19.

Ábrese un novo prazo para presentar a documentación xustificativa do requisito de idioma específico (Inglés B1 ou equivalente) para a admisión no Grao en Xestión Industrial da Moda no Curso 2018/18, desde o 12 ata o 22 de xuño de 2018.

A presentación farase a través do seguinte enlace http://gradoindustrialmoda.udc.gal/requisitos-ingles-y-plazos/

Vicerreitoría de Oferta Académica e Innovación Docente.

CAMPUS NAVAL, OCEÁNICO E INDUSTRIAL

ESPECIALIZACIÓN

O 83% dos matriculados elixe estudos vinculados ao sector industrial

DIFERENCIACIÓN

Gran variedade de carreiras no eido da enxeñaría e estudos superiores de carácter técnico

DIVERSIDADE

Unha comunidade de estudantes chegados de diferentes lugares, con diversas capacidades e en constante crecemento

CONTRASTES

Deporte, natureza, cultura, praia… Unha contorna envexable ao alcance da man

ESPECIALIZACIÓN
INDUSTRIAL

Carreiras de calidade docente moi consolidadas no sector industrial que contan cunha taxa de inserción laboral superior á media.

PATRIMONIO
ARQUITECTÓNICO

O Campus conta con emblemáticos edificios destinados a usos administrativos, de investigación e de estudo.

ALTA INSERCIÓN LABORAL

A taxa de inserción laboral dos nosos alumnos é superior á media nacional.

RESIDENCIA DE ESTUDANTES

A residencia pública universitaria atópase no céntrico barrio da Magdalena.

OFERTA ACADÉMICA

Múltiples posibilidades para completar a túa formación superior co máximo nivel de calidade.

TEMPO DE LECER

Ampla oferta cultural e deportiva nun entorno de contrastes entre a cidade, o mar e a industria.

MOBILIDADE INTERNACIONAL

Prácticas profesionais, cursos, bolsas e convenios que facilitan a internacionalización dos estudantes.

APOIO AO ESTUDANTE

Aulas de estudo, oferta deportiva, aloxamento compartido… Un Campus da man dos estudantes.

INVESTIGACIÓN E TRANSFERENCIA

Convocatorias anuais de premios para o apoio e impulso da investigación universitaria.

RELACIÓN COA EMPRESA

42 grupos e 155 liñas de investigación lideran a relación coa empresa na UDC desde Ferrol.

IGUALDADE DE XÉNERO

Todo o soporte técnico preciso para acadar os obxectivos de igualdade entre mulleres e homes.

O CAMPUS INDUSTRIAL DUNHA OLLADA

UNHA UNIVERSIDADE PARA TODOS

A Unidade Universitaria de Atención á Diversidade, dependente da Vicerreitoría do Campus de Ferrol e de Responsabilidade Social, creouse para atender aos membros da comunidade universitaria con discapacidade ou outras necesidades específicas.

 

O seu cometido principal é facilitar a plena integración do alumnado, profesorado e persoal de administración e servizos que, por razóns físicas, sensoriais, psíquicas ou socioculturais, experimentan dificultades ou barreiras externas a un acceso axeitado, igualitario e proveitoso á vida universitaria.

Son profesora de Matemáticas no Campus de Ferrol da Universidade da Coruña. Teño visto nas miñas aulas alumnos e alumnas que agora ocupan postos destacados. Os centros de Esteiro e Serantes, coa súa docencia e investigación, contribúen á mellora da vida social, económica e cultural de Galicia e ese é o mellor orgullo para un profesor

Araceli Torres Miño, vicerreitora do Campus de Ferrol

Non todo vai ser estudar: deportes, praias espectaculares, natureza, cultura e vida social /

O Campus de Ferrol está situado na terceira concentración urbana de Galicia, cun centro en Serantes e o resto asentados entre as 67 especies arbóreas do xardín botánico de Esteiro, en edificios rehabilitados que conformaban o antigo Hospital de Mariña de Ferrol e outros de nova planta.

 

Moi preto están as praias de Pantín e Doniños, ideais para o surf e deportes acuáticos en xeral. O Centro Cultural Universitario de Esteiro acolle a oferta cultural do Campus, tanto os cursos e obradoiros (arte, teatro, música, fotografía…), como os ciclos de cinema ou exposicións.

 

En definitiva, a vida universitaria en Ferrol é un cúmulo de experiencias. Descúbreas no Campus Industrial de Ferrol!

ENDEREZO

R/ DR. VÁZQUEZ CABRERA S/N
15403 FERROL

CORREO ELECTRÓNICO

campus.industrial@udc.es

TELÉFONO

+34 981 337 400

CONTACTA CON NÓS